Saturday, May 16, 2009
မွေးမေမေသို့ ပေးစာ(၃)
အော်…ဘာလိုလိုနဲ့သင်္ကြန်တောင်ရောက်လာပြီအမေရယ်။သူများတွေလို လွတ်လွတ်လပ်လပ်နဲ့မပျော်နိုင်ပေမယ့်အမေ့သားဒီလိုဘ၀မျိုးကိုကျေနပ်မိပါတယ် အမေရယ်။ယောင်္ကျားကောင်းတစ်ယောက်ဖြစ်ချင်လို့ဒီလမ်းကိုရွေးခဲ့တာပဲ မဟုတ်လား။တက္ကသိုလ်ဝင်တန်းဖြေပြီးကတည်းကမိဘနဲ့ခွဲခွာခဲ့ရတဲ့အတွက် သားတို့ဘ၀မှာလွမ်းမောဖွယ်ရာအလွမ်းအဆွေးဆိုတဲ့လောကဓံတရားတွေကို ခံနိုင်ရည်ရှိနေပါပြီအမေရယ်။အလွမ်းအဆွေးတွေကိုလောကဓံတရားတွေနဲ့ တင်စားတာကိုကြီးကျယ်တယ်လို့တော့မထင်ပါနဲ့အမေရယ်။သားမောင်တို့
ရဲ့အမိမြေလို့ သမုတ်ထားတဲ့ စစ်တက္ကသိုလ် ၊ပြင်ဦးလွင်မှာသုံးနှစ်သုံးမိုး ယောင်္ကျားကောင်းတို့တတ်အပ်တဲ့ပညာတွေစသင်ကြားခဲ့တဲ့အချိန်ကစပြီး အခုအချိန်ထိအလွမ်းအဆွေးတွေကိုရင်ဆိုင်ဖြတ်ကျော်ခဲ့ရလို့လောကဓံ တရားလို့တင်စားလိုက်တာပါအမေရယ်။အင်း…ဒါတွေထားပါတော့လေ………….
ဒါပေမယ့်သားမောင်တို့ရဲ့စစ်တပ်မှာသက်သာချောင်ချိရေးဆိုတဲ့စကားအတိုင်း ဘယ်နေရာရောက်ရောက်မြန်မာ့ရိုးရာပွဲတော်တွေလာတိုင်းပျော်ပျော်ရွှင်ရွှင်
စည်းစည်းလုံးလုံး နဲ့ နွှဲပျော်နိုင်ခဲ့ကြပါတယ် အမေရယ်။ဘယ်သင်တန်း တွေပဲတက်တက်ဒီညီအစ်ကိုတွေနဲ့ပဲအတူတကွပျော်ရွှင်ဆင်နွှဲခဲ့ကြပါတယ်။ အခုလည်းကြည့်ပါအုန်းအမိမြန်မာနိုင်ငံနဲ့အလွန်ဝေးကွာလှတဲ့နိုင်ငံမှာပညာသင
်ကြားနေရင်း ညီနောင်အကိုကြီးတွေ ရဲ့ကြီးကြပ်ကွပ်ကဲ မှုတွေနဲ့ အတူ သင်္ကြန်ဆိုတဲ့ မြန်မာနှစ်သစ်ကူပွဲတော်ကိုပျော်ရွှင်စွာနဲ့ဆင်နွှဲနေကြပါတယ်ဗျာ။။ဘယ်လောက်ပျော်ဖို့ ကောင်းလိုက်သလဲအမေရယ်……………သို့သော်လည်းအမေ့သားရင်မှာဖြစ်ချင်တာတဲ့ ဆန္ဒလေးတွေတော့ရှိတာပေါ့အမေရယ်။ဟိုးအရင်ကဆိုအမေနဲ့အတူဘုန်းကြီးကျောင်းမှာ ဦးပုပ်သီလတွေခံယူခဲ့တာတွေကိုအောက်မေ့မိပါသေးတယ်ဗျာ….။အမေ
ကိုယ်တိုင်လုပ်ကျွေးခဲ့တဲ့မုန့်လုံးရေပေါ်ကိုအမေ့သားစားချင်မိပါသေးတယ်အမေရယ်..
အမေ့သားအဖြစ်ချင်ဆုံးဆန္ဒတစ်ခုကတော့ဟိုးအရင်နှစ်သင်္ကြန်လိုပဲအမေ့ရဲ့ခြေသည်း
လက်သည်းတွေကို သားညှပ်ပေးချင်ပါတယ်။အမေ့ရဲ့ရှည်လျားတဲ့ဆံနွယ်တွေကိုသား
လက်တွေနဲ့လျှော်ပေးချင်ပါသေးတယ်..အမေရယ်.. ဤကောင်းမှုကုသိုလ်တွေကို
သားမောင်မလုပ်ပေးနိုင်တော့ပေမယ့်…ရင်ထဲမှာတော့ နှစ်စဉ်ဖြစ်ပေါ်နေမှာပါအမေရယ်။
ဒီအချိန်ဆိုအမေဘာလုပ်နေမလဲ..ခါတိုင်းနှစ်တွေလိုပဲဦးပုပ်သီလစောင့်တည်နေမလား။
အမေ့ကိုဘယ်သူများခေါင်းလျှော်ပေးနေမလဲ။ဘုန်းကြီးကျောင်းလိုက်ပို့မယ့်လူကောရှိရဲ့လား…
သားမောင်ရင်မောမိတာတော့အမှန်ပါအမေရယ်...အရင်တုန်းကသူငယ်ချင်းတွေနဲ့နောက်ဆုံး
နေ့မှာ အတူတကွပျော်ရွင်ခဲ့တဲ့သင်္ကြန်နောက်ဆုံးရက်တွေကိုပြန်လည်မြင်ယောင်နေမိတယ်အမေရယ်
….သင်္ကြန်ဆိုရင် အိမ်ထဲကနေအိမ်ပြင်မထွက်တဲ့သားမောင်ကိုအမေကအတင်းမောင်ထုတ်တဲ့ ပုံရိပ်လေးတွေကိုမြင်ယောင်နေမိတယ်…အခုတော့လွမ်းမောစရာလေးတွေပေါ့အမေရယ်…
အင်းပြောရင်း
နဲ့တစ်ယောက်သောသူကိုတောင်သတိရလာမိတယ် အမေရယ်…ဘာလို့လဲဆိုတော့အဲဒီသင်္ကြန်နောက်ဆုံး
နေ့မှာပဲတစ်ယောက်သော သူနဲ့စတွေ့ခဲ့ကြတာလေ..အင်းသားမောင်တို့လိုစစ်သားဘ၀မှာဖူးစာရှင်ဆိုတာ
တွေလည်း မစဉ်းစားနိုင်ပါဘူးအမေရယ်။။ရောက်လေရာအရပ်မှာပဲကိုယ်နဲ့ထိုက်တန် တဲ့ပါရမီဖြည့်ဘက်ကိုရှာရတော့မယ်ထင်ပါတယ်ဗျာ………….အင်း…..သားမောင်ပြောချင်တာတွေလည်း လည်းပြည့်စုံသလောက်ရှိနေပါပြီ။အမေလည်းစာဖတ်ရတာညောင်းနေလောက်ပြီပေါ့ ။ သားမောင်မှာချင်တာ
တော့ ထွေထွေထူးထူး မရှိပါဘူး။ သားမောင်တို့ကျောင်းမှာသူ့အဖွဲ့အစည်းနဲ့သူစည်းလုံးညီညွှတ်စွာလုပ်
ကောင်ဆောင်ရွက်နေပါတယ်။ တစ်ယောက်နဲ့တစ်ယောက်ကူညီဖေးမမှုနဲ့အတူရင့်ကျက်တဲ့အကိုကြီးတွေရဲ့
ကြီးကြပ်ကွပ်ကဲမှုကြောင့်သားမောင်အတွက်အစစအရာရာစိတ်ချပါအမေ..။အမေသာ
သင်္ကြန်မှာဦးပုပ်သီလ
ဆောက်တည်ပြီးတရားဓမ္မတွေ ကောင်းကောင်းအားထုတ်နိုင်အောင်ကြိုးစားနိုင်ရင်ပဲသားမောင်ကျေနပ်လှပါပြီ အမေရယ်…..ဒီစာကိုဖတ်ရင်းအဝေး တမြေမှ မွေးမေမေ တစ်ယောက် သားမောင်ရဲ့ရင်တွင်းစကားတွေကိုကြားသိနိုင်ပါစေဗျာ……*……………
(ဤဆောင်းပါးလေးက ၂၀၀၉ ခုနှစ်၊သင်္ကြန်ဆောင်းပါးပြိုင်ပွဲတွင် အထူးဆု ရရှိခဲ့ပါတယ်၊
အမေ့ရဲ့ကျေးဇူးကြောင့်လားမသိပါဘူး အမေရယ်၊သား ပီတိတွေဖြစ်မိတယ်ဗျာ)
Subscribe to:
Post Comments (Atom)
0 comments:
Post a Comment