အမေ...။ကျွန်တော်စိတ်ထဲရှိသမျှရေးချခွင့်ပြုပါအမေ.....။
အခါလယ်နဲ့(၆)လမှာနို့ဖြတ်ခဲ့တယ်လို့ ပြောသံကြားတိုင်းအမေကို စိတ်နာခဲ့တာ။
စီးပွားကိုဘဲဦးစားပေးရှာပြီး သားတွေကို ဂရုမစိုက်ဘူးလို့ အတွေးမှားခဲ့တာ။
လေးတန်းနှစ်ရဲ့ လပါတ်စာမေးပွဲမှာ ပထ၀ီကို (၃၈)မှတ်နဲ့ကျခဲ့တော့ "ခွေးဖြစ်မဲ့အကောင်၊သူများခိုင်းဖတ်ဘဲ ဖြစ်မဲ့အကောင်" လို့ပြောခဲ့တုန်းက အမေကို အရမ်းစိတ်ဆိုးခဲ့တာ။ အမေ စကားတွေက ကျွန်တော်အတွက် မခံချင်စိတ်နဲ့ တွန်းအားတွေ ဖြစ်ခဲ့ပြီး ဒီနေ့ အထိ အတန်းတိုင်းကို သားပုံမှန်အောင်မြင်ခဲ့တာ။
မမျော်လင့် တဲ့ အဖေ လုပ်ငန်းတွေရဲ့ ကျရူံးမူတွေကို သားတွေမသိဘဲ ဖုံးဖိခဲ့တာ။အိမ်တွင်းရေးတွေကို သတင်းအမှောင်ချခဲ့တာ။
ကျွန်တော်တို့ကို လျစ်လျူရူခဲ့တဲ့ အဖေ အမျိုးတွေ ကြားမှာ မျက်နှာမငယ်အောင်ထားခဲ့တာ။
သားတွေပိုက်ဆံနဲ့လောင်းကစားလုပ်မှာစိုးလို့ တုတ်တချောင်းနဲ့ မအားတဲ့ ကြားက လိုက်ချောင်းတတ်တာ။
ရှစ်တန်းနှစ်မှာ ဘာသာစုံ ဂုဏ်ထူးပါတော့ အမေက ကျွန်တော်ပါးကို နမ်း၊ ကျွန်တော်လက်ကို ကိုင်ပြီး က နေခဲ့တာတောင် အမေက ငါ့ကို အရမ်းချစ်ပါလားလို့ ယောင်ယောင်လေးတောင်မတွေးခဲ့တဲ့ ကျွန်တော်။
အမေအရမ်းကြိုက်တဲ့ လ္ဘက်ရည်ချိုပေါ့လေး တခွက်ကို ၀ယ်ပေးဖို့ အမြဲစိတ်မပါခဲ့တဲ့ကျွန်တော်...။
၁၀ တန်းနှစ်ရဲ့ မြန်မာစာဖြေတဲ့ညမှာ စာတွေကျက်နေတဲ့သားကို ဒူးကလေးထောက် ၊ လက်ခုံလေးပေါ်ကို မေးစေ့ကလေးတင်၊ စောင့်စောင့်ကလေးထိုင်ပြီး သားစာကျက်တာကို ထိုင်စောင့်ပေးခဲ့တဲ့အမေ။
သားအရမ်းအိပ်ချင်လာပြီလား၊ စာတွေမရသေးဘူးမှတ်လားဆိုပြီး ညမှောင်ကြီး မဲကြီးမှာ စက်ဘီးတစီးနဲ့ လ္ဘက်ရည်ဆိုင်သွားခဲ့တဲ့အမေ။
သားကြီးရယ် ..မေမေစိတ်ပူလိုက်တာ....မိခင်သောက ဆိုတာ ဒါဘဲထင်တယ်လို့ ပြောပြီး သားကို မဒ္ဒီဒေ၀ီ ရဲ မိခင်သောက ကို ကျက်ခိုင်းတော့ သားက စိတ်ထဲ ကျိတ်ရယ်နေခဲ့တာ. တိုက်တိုက်ဆိုင်ဆိုင်ဘဲ အမေ...၂၀၀၀ ခုနှစ်ရဲ့ တက္ကသိုလ် ၀င်စာမေးပွဲ မြန်မာစာ ၊ ဧရာဝတီတိုင်းမေးခွန်းရဲ့ စကားပြေမှာ မိခင်သောက ဆိုတဲ့ စကားပြေအရေးအသားပါလာခဲ့တယ်။
အမေရယ်...အဖေရဲ့ ဦးဆောင်နိုင်မှူမှေးမှိန်နေတဲ့ ကျွန်တော်တို့ မိသားစုမှာ သား(၂)ယောက်ဆိုတဲ့ အားနဲ့အမေကြိုးစားခဲ့ပေမဲ့...သားကအမေဖြစ်စေချင်သလောက်မဖြစ်ခဲ့တာ။
အမေဖြစ်ချင်တလို သားမလုပ်နိုင်ခဲ့ဘူးအမေ။ (၁၀) တန်းက ဘ၀တဆစ်ချိုး ၊ ကြိုးစားပါသားရယ် လို့အမေ ခဏခဏ ပြောခဲ့ပေမဲ့ ဒီဘက်နားက၀င် ပြီးဟိုဘက်နားက ပြန်ထွက်သွားခဲ့တဲ့ သားမိုက်ပါအမေ။


အမေရယ် ..... အမေနဲ့ပါတ်သတ်ပြီး သားဆက်ပြောရင် ကုန်မှာတောင် မဟုတ်တော့ပါဘူး အမေ။ ကျွန်တော်ဘ၀ ရဲ့ အထင်ကရ နဲ့ အမှတ်တရ တိုင်းဟာ အမေနဲ့ အမြဲပါတ်သတ်ခဲ့တာကြီးပါဘဲအမေ....။
အသက် (၂၄) နှစ်ဆိုတဲ့ဖြတ်သန်းခဲ့တဲ့ အချိန်တွေမှာ အမေအပေါ်သား ဘာတွေ တာဝန်ကျေခဲ့ပီလဲ....။
အမေခံစားခဲ့ရတဲ့ ဘ၀ အမောတွေ ၊ အမေ့ချွေးစက် တစက် စာလောက် သားပြန်သိတတ်ခဲ့ပြီးပြီလား။
အမေ့ရင်ထဲက အခါခါပေါက်ကွဲခဲ့တဲ့ မီးတောင်တွေကြောင့် အမေ့နှလုံးသားမှာ ချော်ရည်တွေနဲ့ပူလောင်နေခဲ့ရတာကို သားက အေးမြမှုတွေ မပေးနိုင်ခဲ့ဘူး။
အမေ မျက်နှာညိုတိုင်း သားသတိထားခဲ့မိသလား။
လက်ဝါးနှစ်ဘက်က လက်ခဏာတွေ ပျောက်လုလု ဖြစ်တဲ့ အထိလုပ်ကိုင်ကျွေးမွေးခဲ့တဲ့ အမေအပေါ်ကို သားက ကျွေးမွေးမပြတ် ဆိုတဲ့ သားသမီးကျင့်ဝတ်နဲ့လျော်ညီအောင် ပြန်လုပ်နိုင်ခဲ့ပီလား။
အမေရယ် ..။အရွယ်ရောက်လာတဲ့ သားကို သားရေ ...ကောင်မလေးရှာမယ်ဆိုရင်တော့ အမေက အရပ်မြင့်မြင့် သွက်သွက်လက်လက်လေးတွေ ရှာခဲံ့နော် ဆိုပြီးလမ်းဖွင့်ပေးခဲ့တဲ့အမေ။
အမေရဲ့ မေတ္တာက အသွားဘဲရှိခဲ့တာ။ ကျွန်တော်ဘက်က အပြန်မရှိခဲ့တာ။ဘာမှ မျော်လင့်ချက်တွေ မထားခဲ့ဘဲ မြေတောင် မြောက်ပေးခဲ့တာ။
အမေရယ် ...။အမေရဲ့ မေတ္တာတွေ ကို တကယ်နားလည်ခဲ့တဲ့ ၂၀၀၅ ခုနှစ်ရဲ့ စက်တင်လာ တလမှာတော့ ကျွန်တော်က အမေ့ကို နှစ်အနည်းငယ်ခွဲခွာခဲ့ရပြီနော်။
အမေပေးခဲ့တဲ့ အမေရဲ့မေတ္တာ ၊ အကြင်နာ ၊ ဂရုဏာ ....ချစ်ခြင်းမေတ္တာတွေအတွက် သားပြောနိုင်တာတခုက သားရဲ့ ၀င်သက်ထွက်သက်တိုင်း ၊ သားရဲ့လုပ်ဆောင်မူတိုင်း ၊ ကြိုးစားမူတိုင်းက အမေအတွက်ပါအမေ။သားရဲ့အောင်မြင်မူတိုင်းကို ဖန်တီးပေးခဲ့တဲ့ အမေအတွက် အမေရဲ့ ပျော်ရွင်မူတိုင်းကိုဖန်တီးပေးနိုင်တဲ့ သားဖြစ်ရပါလို၏ အမေ။

"မိဘနှစ်ဖြာ ၊ ရှိနေပါလည်း၊ ကျေးဇူးမသိ ၊ မဆပ်ဘိက ၊ တသက်လုံးလုံး၊ လူဖြစ်ရူံး၏"

မှတ်ချက်။ ။ သူငယ်ချင်းတယောက်ရဲ့ရင်ဖွင့်ချက်လေးကိုတင်ပြပေးထားတာပါ...သတိရတယ်အမေရယ်